नाली बनेको फिर्के बन्ला हरियाली?

फिर्केखोलाको पानी अहिले सङ्लो छैन। धमिलो पनि छैन। खोलामा बहेको पानी नालीमा बगेको ढलजस्तो फोहोर छ, दुर्गन्धित छ, अनि फोहोरको डंगुरले ढाकिएको छ।

पोखराको बीच सहरबाट बग्ने यो सानो खोलाको किनारमा अहिले घरहरू ठडिएका छन्, पर्खालहरू छन्, टहराहरू छन्। कतै ढल सिधै खोलामा खसिरहेको छ। कतै प्लास्टिकको थुप्रो अड्किएको छ। पानीको बहावभन्दा फोहोरको गन्ध बढी महसुस हुन्छ।