इरानी आक्रमणपछि खसेको भग्नावशेषबाट कुवेतमा एक जना घाइते

कुवेत सिटी । इरानले कुवेततर्फ प्रहार गरेका क्षेप्यास्त्र र ड्रोनलाई अवरोध गर्ने क्रममा खसेको भग्नावशेष लागेर एक जना घाइते भएका छन्।

कुवेती सेनाले जारी गरेको विज्ञप्तिअनुसार इरानले कुवेततर्फ तीनवटा ब्यालिस्टिक क्षेप्यास्त्र, एउटा क्रुज क्षेप्यास्त्र र १० वटा ड्रोन प्रहार गरेको थियो। कुवेती वायु प्रतिरक्षा प्रणालीले ती सबै आक्रमण सफलतापूर्वक निष्क्रिय पारेको जनाएको छ। तर आकाशमै नष्ट गरिएका क्षेप्यास्त्र र ड्रोनका भग्नावशेष खस्दा एक जना घाइते हुनुका साथै केही भौतिक क्षति भएको सेनाले जनाएको छ।