निर्धारित समयभन्दा १ दिनअगावै अमेरिका र इरानले गरे शान्ति सम्झौतामा हस्ताक्षर

संयुक्त राज्य अमेरिका र इरानबिच युद्ध अन्त्य गर्न अन्तरिम सम्झौता (एमओयू) मा हस्ताक्षर भएको छ।

ट्रम्पले बुधबार पेरिसको भर्साइल्स दरबारमा फ्रान्सका राष्ट्रपति इमानुएल म्याक्रोनसँगको भेटघाटका क्रममा उक्त दस्तावेजमा हस्ताक्षर गरेका हुन्।

त्यसपछि इरानका राष्ट्रपति पेजेस्कियानले इरानसँगको सम्झौतामा इलेक्ट्रोनिक रूपमा हस्ताक्षर गरे।

नेपाली समयअनुसार बिहीबार बिहान दुई नेतारूले हस्ताक्षर गरेपछि यो सम्झौता तुरुन्तै लागु भएको छ।

यो सम्झौताले इरानमा युद्ध र लेबनानमा द्वन्द्व अन्त्य गर्नेछ, साथै होर्मुज स्ट्रेट पुनः खोलिनेछ र अमेरिकी नौसेना नाकाबन्दी अन्त्य गरिनेछ।

शान्ति सम्झौता जुन १९ मा जेनेभा नजिकै लुसर्नमा हस्ताक्षर हुने तालिका थियो, तर फ्रान्सको भर्साइल्स दरबारमा निर्धारित समयभन्दा एक दिन अगाडि हस्ताक्षर गरिएको हो।