गृहमन्त्री सुदन गुरुङको कार्यशैलीप्रति सांसद खुश्बु ओलीको प्रशंसा

राष्ट्रिय प्रजातन्त्र पार्टी (राप्रपा)की सांसद Khushbu Oli ले गृहमन्त्री Sudan Gurung को कार्यशैलीको खुलेर प्रशंसा गरेकी छन्।

कुनै पनि समस्या वा गुनासो सुन्नासाथ तत्काल पहल गर्ने र समाधानका लागि सक्रिय रूपमा काम गर्ने गृहमन्त्री गुरुङको शैली आफूलाई निकै मन परेको ओलीले बताएकी छन्।

उनले आफूले उठाएका विषयहरूमा मात्र नभई अन्य सांसदहरूले संसद् तथा विभिन्न मञ्चमा उठाएका समस्या र गुनासाप्रति पनि गृहमन्त्री गुरुङले चासो दिँदै शीघ्र कदम चाल्ने गरेको उल्लेख गरिन्। समस्याको समाधानका लागि उनको तत्परता र जिम्मेवार कार्यशैली प्रशंसायोग्य रहेको ओलीको भनाइ छ।

सांसद ओलीले जनप्रतिनिधिहरूले उठाएका विषयमा सरकारका जिम्मेवार मन्त्रीहरूले यस्तै सक्रियता देखाउनुपर्ने बताउँदै गृहमन्त्री गुरुङको कार्यसम्पादनलाई सकारात्मक उदाहरणका रूपमा प्रस्तुत गरेकी छन्।