तीन सय एघार विदेशी पर्यटकको उद्धार

भदौ १० गते भोटेकोशी नदीमा गएको बाढीपछि ३११ जना विदेशी पर्यटकको उद्धार गरिएको छ । पर्यटन विभागका अनुसार १५ औँ दिनसम्म १३ देशका ३११ जना विदेशी पर्यटकको उद्धार गरिएको हो ।

जसमध्ये सबैभन्दा बढी भारतका १७५, चीनका १११, जर्मनीका चार, अमेरिकाका चार, टर्किए, रुस, इटाली र भियतनामका दुई/दुई जना पर्यटकको उद्धार गरिएको छ । त्यस्तै गरी माल्टाका तीन तथा ओमान, स्विटजरल्यान्ड, बेलायत र बुल्गेरिएका एक/एक जना पर्यटकको सकुशल उद्धार गरिएको छ ।