ठमेल पर्यटन विकास परिषद्को निर्वाचन : डङ्गोल र राजभण्डारी समूहबिच प्रतिस्पर्धा

काठमाडौँ । ठमेल पर्यटन विकास परिषद्को निर्वाचनका लागि दुई समूहबिच प्रतिस्पर्धा हुने भएको छ । आगामी असार २७ गते हुन लागेको उक्त निर्वाचनका लागि पूर्वउपाध्यक्षद्वय राजुमान डङ्गोल र प्रश्रय राजभण्डारी समूहबीच प्रतिस्पर्धा हुन लागेको हो ।

दुवै समूहले आज काठमाडौँमा एक कार्यक्रमको आयोजना गरी आफ्नो समूहको उम्मेदवारी घोषणा गरेका छन् । कार्यसमिति सदस्य, दुई कार्यकाल महासचिव र तीन कार्यकाल उपाध्यक्ष हुनुभएका अध्यक्षका प्रत्यासी डङ्गोल समूहको प्रथम उपाध्यक्षमा राजीव पाण्डे, द्वितीय उपाध्यक्षमा दावा तामाङ, तृतीय उपाध्यक्षमा चेतनाथ पुडासैनी, महासचिवमा पशुपति कँडेल, सचिवमा दिलीप कँडेल र कोषाध्यक्षमा किन्चु लामा भुटिया (श्रेष्ठ) उम्मेदवार रहेका छन् ।