‘अपरेसन ५५’ लागू गर्ने तयारी : १५ हजार निजामती कर्मचारी एकैपटक अवकाशमा जाने सम्भावना

काठमाडौं । सरकारले संघीय निजामती सेवामा व्यापक सुधारको तयारीस्वरूप करिब १५ हजार कर्मचारीलाई एकैपटक अवकाश दिने योजना अघि सारेको छ। संघीय निजामती सेवा ऐनको प्रस्तावित मस्यौदामा ५५ वर्ष उमेर पुगेका वा ३० वर्ष सेवा अवधि पूरा गरेका कर्मचारीलाई अनिवार्य अवकाश दिने व्यवस्था राखिएको छ।

प्रस्तावित व्यवस्था लागू भएमा ठूलो संख्यामा कर्मचारीले एकैपटक सेवा छाड्नुपर्नेछ। त्यसपछि बाँकी तथा नयाँ नियुक्त हुने कर्मचारीका लागि अवकाश उमेर सीमा ६० वर्ष कायम गर्ने तयारी गरिएको बताइएको छ।