प्रिमियर लिग : शीर्ष स्थानका दुई ठूला हस्ती बराबरीमा रोकिए, न्यूकासलको फराकिलो जित

काठमाडौं । इंग्लिश प्रिमियर लिगमा न्यूकासल युनाइटेडले फराकिलो जित निकाल्दा शीर्ष स्थानको लिभरपुल र आर्सनलले अंक बाँड्नु परेको छ । शनिबार राती भएका खेलमा न्यूकासल युनाइटेडले लेस्टर सिटीलाई ४-० गोल अन्तरले हराउँदा शीर्षस्थानको लिभरपुलले २-२ को बराबरी खेल्दै फुलहमसँग अंक बाँड्नु परेको हो । यस्तै, तेस्रो स्थमानमा रहेको आर्सनलले एभर्टनसँग गोलरहित बराबरी गर्दा दोस्रो स्थानमा उक्लिने मौका गुमायो ।

उता, न्यूकासललाई विजयी गराउन मुर्फीले दुई गोल गर्दा एलेक्सान्दर इसाक र ब्रुनो गुइमारेसले एक-एक गोल गरे । शनिबार राती नै भएको अर्को खेलमा इप्सविच टाउनले उल्भ्सलाई २-१ गोल अन्तरले हरायो ।