शिक्षक सेवा आयोग नेतृत्वविहीन हुँदा लाइसेन्स, परीक्षा र बढुवा सबै रोकिए

काठमाडौँ । शिक्षक सेवा आयोग विगत पाँच महिनादेखि पदाधिकारीविहीन छ । ‘सार्वजनिक पदाधिकारीको पदमुक्तिसम्बन्धी विशेष व्यवस्था अध्यादेश, २०८३’ मार्फत् पदाधिकारी पदमुक्त हुँदा आयोग पदाधिकारीविहीन बनेको हो, जसका कारण आयोगलाई नीतिगत तथा प्रशासनिक निर्णय गर्न सकस भएको छ ।

गत वैशाख १८ गते अध्यादेश आएपछि आयोग पदाधिकारीविहीन बनेको हो । पदाधिकारी नहुँदा वार्षिक कार्यतालिका सार्वजनिक हुन सकेको छैन भने नियमित नीतिगत तथा प्रशासनिक काम प्रभावित भएका छन् ।