यार्चाको खोजीमा रित्तियो गाउँ

हिमालको काखमा अवस्थित चुमनुब्री गाउँपालिका अन्तर्गतको छेकम्पार बस्ती अहिले सुनसान छ । घरका ढोकामा ताल्चा झुन्डिएका छन् भने गाउँलेको जमघट बस्तीदेखि चार हजार मिटरभन्दा माथिका लेकखर्कतिर देखिन थालेको छ ।

यार्चागुम्बा सङ्कलनको मौसम सुरु भएसंगै सो गाउँका ८१२ घरधुरीका अधिकांश बासिन्दा भाज्यो, छेक्या र फुचुन लेकतर्फ लागेका छन् । ती लेक अहिले अस्थायी पाल, त्रिपाल र टहराले भरिएका छन् । वडाध्यक्ष टासीदोर्जे लामाका अनुसार गाउँका अधिकांश घरमा ताला लागेका छन् भने गाउँभर रित्तिएका जस्तै भएका छन् । कतिपय घरमा वृद्धवृद्धा मात्र छन् भने धेरैले तल्लो भेगका महिलालाई मासिक तबल दिएर घर तथा बालबच्चाको रेखदेखको जिम्मामा सुम्पिएका छन् ।