अस्तित्वको लडाइँमा चेकिया र दक्षिण अफ्रिका

चेकिया र दक्षिण अफ्रिका दुवै उत्तरी अमेरिकामा विश्वकपको यात्रा जोगाउने कि अन्त्य हुने भन्ने निर्णायक मोडमा आइपुगेका छन्।

बिहीबार एटलान्टा स्टेडियममा हुने समूह ‘ए’ को खेलमा अफ्रिकी टोली र युरोपको चेकियाबिच प्रतिस्पर्धा हुँदै छ। जुन दुवैका लागि गर या मरको अवस्था रहनेछ। दुवै टोलीले पहिलो खेलमा हार बेहोरिसकेका छन्। त्यसैले बिहीबार दुवैसँग तीन अंक जोड्नुको विकल्प हुने छैन। यो अस्तित्वको लडाइँमा नै सीमित हुन पनि सक्नेछ। दोस्रो खेलमा पनि पराजित टोलीको नकआउट चरण पुग्ने सपना लगभग समाप्त हुन सक्छ। यही कारण यो खेल समूहचरणकै सबैभन्दा दबाबपूर्ण भिडन्तमध्ये एक बन्नेछ। पहिलो खेलमा चेकिया एसियाली राष्ट्र दक्षिण कोरियासँग पराजित भएको हो। कोरियाविरुद्ध अग्रता लिए पनि चेकियाले २–१ ले नतिजा गुमाउन पुग्यो। लडिस्लाभ क्रेइचीले सुरुआती गोल जोगाउन नसक्दा यस विश्वकपमा संकटमा देखिएको छ।