लागु औषध विरुद्ध मोरङ प्रहरीले टिकटक प्रतियोगिता आयोजना गर्दै, उत्कृष्ट भिडियोलाई ५० हजार नगद

काठमाडौँ। जिल्ला प्रहरी कार्यालय मोरङले लागु औषध विरुद्ध जनचेतना फैलाउने उद्देश्य सहित टिकटक भिडियो प्रतियोगिता आयोजना गर्ने भएको छ । प्रहरीले आइतबार (१० जेठ) देखि सञ्चालन गरिरहेको लागु औषध विरुद्धको महाअभियान (मेगा क्यान २०८३) अन्तर्गत उक्त प्रतियोगिता सञ्चालन गर्न लागेको हो ।

जिल्ला प्रहरी कार्यालय मोरङका अनुसार यस प्रतियोगितामा सहभागी हुन चाहनेले ‘लागु औषध विरुद्ध सबै एकजुट बनौँ’ भन्ने आशयको ६० सेकेन्डसम्मको टिकटक भिडिओ बनाएर सामाजिक सञ्जालमा अप्लोड गर्नुपर्नेछ । यस्तो भिडिओ सकारात्मक भाव र सन्देशमूलक जानकारी सहितको हुनुपर्ने बताइएको छ ।