काठमाडौंमा सवारी प्रदूषण परीक्षण, मापदण्ड नपुगेका थप पाँच सवारीमाथि कारबाही

कृषि, वन तथा पर्यावरणमन्त्री गीता चौधरीको निर्देशनमा वातावरण विभाग र काठमाडौं उपत्यका ट्राफिक प्रहरी कार्यालयले संयुक्त रूपमा सञ्चालन गरेको सवारी प्रदूषण अनुगमन अभियानअन्तर्गत मापदण्ड पूरा नगरेका पाँच वटा सवारी साधनमाथि कारबाही गरिएको छ।

बिहीबार बिजुलीबजार र बबरमहल क्षेत्रमा गरिएको प्रदूषण परीक्षणका क्रममा १९ वटा सवारी साधनको उत्सर्जन परीक्षण गरिएको थियो। तीमध्ये ५ वटा सवारी साधन (२६.३२ प्रतिशत) ले तोकिएको प्रदूषण मापदण्ड पूरा गर्न नसकेको पाइएपछि प्रचलित कानुनबमोजिम आवश्यक कारबाही गरिएको वातावरण विभागले जनाएको छ।