लागुऔषधसहित एक युवक पक्राउ

बैतडीमा लागुऔषध खैरो हेरोईनसहित एक जना पक्राउ परेका छन् ।

जिल्लाको दशरथचन्द नगरपालिका–४ गोठलापानीबाट १४० मिलिग्राम खैरौ हेरोइनसहित सोही ठाउँका ३१ वर्षीय प्रवीन भट्टलाई पक्राउ गरिएको जिल्ला प्रहरी कार्यालय बैतडीका प्रवक्ता, प्रहरी निरीक्षक सुरज सिंहले जानकारी दिनुभयो ।

भट्टलाई बुधबार दिउँसो विशेष सूचनाको आधारमा जिल्ला प्रहरी कार्यालय बैतडीबाट खटिएको प्रहरी टोलीले पक्राउ गरेको बताएको छ ।पक्राउ परेका भट्टमाथि लागुऔषध नियन्त्रण ऐन २०३३ अनुसार अनुसन्धान भइरहेको जिल्ला प्रहरी कार्यालय बैतडीका प्रवक्ता सिंहको भनाइ छ ।