ई-सेवाको कर्मचारी हुँ भन्दै ठगी गर्ने एक युवक पक्राउ

काठमाडौं । ई-सेवा डिजिटल वालेटको नक्कली कर्मचारी बनेर सर्वसाधारणलाई ठगी गर्ने एक युवकलाई नेपाल प्रहरीको साइबर ब्यूरोले पक्राउ गरेको छ । पक्राउ पर्नेमा रौतहटको माधव नारायण नगरपालिका वडा नं. २ बस्ने २२ वर्षीय शुभम साह रहेका छन् ।

पक्राउ परेका साहले तपाईंको ई-सेवामा धेरै रिवार्ड पोइन्ट छ, किन प्रयोग नगरेको भन्दै विभिन्न नम्बरबाट फोन गरी झुक्याएर पीडितको ई-सेवा खाताबाट १ लाख ९८ हजार ४ सय ९९ रुपैयाँ इभोलुसन ट्रेडिङ प्रालिको ई-सेवा आईडीमा ट्रान्सफर गरेको अनुसन्धानमा खुलेको प्रहरीले जनाएको छ ।