गिल र किशनको विष्फोटक शतक, अफगानिस्तानविरुद्ध भारतको विशाल जित

लखनउ । भारतले लखनउमा खेलिएको दोस्रो एकदिवसीय क्रिकेट खेलमा अफगानिस्तानलाई १७० रनको विशाल अन्तरले पराजित गरेको छ । यो जितसँगै भारतले तीन खेलको शृङ्खला एक खेल अगावै आफ्नो कब्जामा पारेको छ।

खेलमा टस जितेर पहिले ब्याटिङ गर्दै भारतले निर्धारित ५० ओभरमा ४०२ रनको पहाड जस्तै विशाल स्कोर खडा गरेको थियो। ४०३ रनको निकै चुनौतीपूर्ण लक्ष्य पछ्याएको अफगानिस्तानको टोली ४४.३ ओभरमा २३२ रनमै अलआउट हुन पुग्यो ।