क्रियाशील सदस्यता अद्यावधिकलाई सहज बनाउन कांग्रेसले खटायो सातै प्रदेशमा कमाण्डर

काठमाडौँ । नेपाली कांग्रेसले १५औँ महाधिवेशनको तयारीका लागि क्रियाशील सदस्यता अद्यावधिक गर्ने कार्यलाई तीव्रता दिएको छ ।

सोमबार ललितपुरको सानेपास्थित पार्टी केन्द्रीय कार्यालयमा बसेको 'सदस्यता व्यवस्थापन केन्द्रीय समिति'को बैठकले सदस्यता वितरण र नवीकरणको प्रक्रियालाई सहज तथा द्रुत बनाउन सातै प्रदेशमा केन्द्रीय पदाधिकारी तथा सदस्यहरूलाई विशेष जिम्मेवारी सुम्पेको छ ।