चिनियाँ खोपलाई डब्ल्यूएचओको अनुमति

काठमाडौं (एजेन्सी)। विश्व स्वास्थ्य संगठन (डब्ल्यूएचओ)ले चिनियाँ कम्पनी सिनोफार्माले उत्पादन गरेको कोरोनाविरुद्धको खोपलाई आपतकालीन उपयोगका लागि अनुमति दिएको छ। डब्ल्यूएचओबाट यसरी अनुमति पाउने सिनोफार्माको खोप छैटौं हो। यसअघि अन्य पाँच खोपले यसप्रकारको अनुमति पाइसकेका छन्।

डब्ल्यूएचओका प्रमुख डा.टेड्रोस अधानोम घेब्रेयससले शुक्रबा। जेनेभामा एक प्रेस ब्रिफिंगका क्रममा चिनियाँ खोपलाई अनुमति दिइएको जानकारी दिए। उनले चिनियाँ खोप पूर्ण सुरक्षित र प्रभावकारी रहेकोसमेत बताए।