माग्ने बुढा भन्छन्- आवेगमा ‘साइबर सेना’ शब्द प्रयोग गरेकोमा क्षमा चाहन्छु

काठमाडौैं । माग्ने बुढा नामले प्रसिद्ध कलाकार केदारप्रसाद घिमिरे ‘छक्कापञ्जा ५’लाई लिएर चर्चामा छन् । उनी कार्यकारी निर्माता समेत रहेको यो फिल्ममा उनको अभिनयलाई रुचाइएको पनि छ ।

‘छक्कापञ्जा’को पाँचौं श्रृंखलाको रिलिजअघि निकै चर्चा चल्यो । विशेषगरि सोही मितिमा रिलिज भएको अर्को फिल्म ‘१२ गाउँ’को प्रचारको पनि सोही समयमा सामाजिक संजालमा गर्मागर्मी भयो ।