देशभर २२१ विद्यालयमा राष्ट्रिय सेवा दलको जुनियर डिभिजन तालिम सुरु

काठमाडौँ- नेपाली सेनाको जनसम्पर्क तथा सूचना निर्देशनालयका अनुसार राष्ट्रिय सेवा दलले जुनियर डिभिजन तालिम देशभर सुरु गरेको छ।

असार १ गतेदेखि सुरु भएको उक्त कार्यक्रमअन्तर्गत देशभरका २२१ वटा विद्यालयमा अध्ययनरत ६,६३० जना छात्रछात्रा सहभागी भएका छन्। तालिम दुई चरणमा सञ्चालन हुने बताइएको छ। पहिलो चरणमा संस्थागत तालिम र दोस्रो चरणमा वार्षिक सामूहिक क्याम्प सञ्चालन गरिनेछ।