एप्पलले आफ्ना उत्पादनको मूल्य बढाउने, आईफोन १८ पनि प्रभावित हुनसक्ने

काठमाडौं । एप्पलले आफ्ना उत्पादनहरूको मूल्य बढाउने तयारी गरेको छ । सीईओ टिम कुकले अब पुरानो मूल्य कायम राख्न गाह्रो हुँदै गएको बताएका छन् ।

वाल स्ट्रिट जर्नलसँगको एक अन्तर्वार्तामा टिमले मेमोरी चिप्सको मूल्य उल्लेखनीय रूपमा बढेको बताए, जसले गर्दा कम्पनीलाई आफ्ना उत्पादनहरूको मूल्य बढाउनबाट बच्न गाह्रो भएको बताएका छन् ।

उनले मूल्य वृद्धि कहिले हुनेछ वा कुन उत्पादनहरू प्रभावित हुनेछन् भने खुलाएनन् । साथै, सेप्टेम्बरमा बजारमा आउने आइफोन १८ पनि प्रभावित हुनेसक्ने अनुमान गरिएको छ ।

मेमोरी चिप्स स्मार्ट उपकरणहरूको अत्यावश्यक घटक हुन्, तर कृत्रिम बुद्धिमत्ता (एआई) को द्रुत विकासले हालैका महिनाहरूमा तिनीहरूको मूल्य बढाएको छ ।

उल्लेखनीय छ कि डाटा सेन्टरहरू र एआई प्रणालीहरूलाई धेरै मेमोरी चाहिन्छ, जसका कारण मेमोरी चिप्सको आपूर्ति दुर्लभ भएको र मूल्यहरू द्रुत गतिमा बढेको टिम बताउँछन् ।