निजामती कर्मचारीलाई प्रदेशमै उपचार सुविधा, पोखरामै शुरू भयो सहुलियत स्वास्थ्य सेवा

कास्की । निजामती कर्मचारी र उनीहरूका परिवारले अब काठमाडौं धाउनुपर्ने बाध्यता केही हदसम्म अन्त्य हुने भएको छ। निजामती कर्मचारी अस्पतालसँग भएको सम्झौतापछि पोखरा स्वास्थ्य विज्ञान प्रतिष्ठानअन्तर्गतको पश्चिमाञ्चल क्षेत्रीय अस्पतालबाट पनि निजामती कर्मचारी अस्पतालसरह छुट तथा सहुलियतसहितको स्वास्थ्य सेवा उपलब्ध हुन थालेको छ।

एक साताअघि भएको सम्झौतापछि आवश्यक व्यवस्थापनको काम पूरा गरी सेवा सञ्चालनमा ल्याइएको प्रतिष्ठानका सूचना अधिकारी सुशीलकुमार अर्यालले जानकारी दिए।