कांग्रेसमा १५औं महाधिवेशनको तयारी तीव्र, जेठ २१ भित्र क्रियाशील सदस्यता अद्यावधिक सक्ने

नेपाली कांग्रेसले १५औं महाधिवेशनको तयारीलाई तीव्र बनाउँदै क्रियाशील सदस्यता अद्यावधिक तथा नयाँ सदस्यता वितरणको काम यही जेठ २१ गतेभित्र सक्ने निर्णय गरेको छ ।

पार्टी सभापति गगनकुमार थापाको उपस्थितिमा सोमबार ललितपुरस्थित पार्टी केन्द्रीय कार्यालय बीपी स्मृति भवनमा बसेको सदस्यता व्यवस्थापन केन्द्रीय समितिको बैठकले महाधिवेशन केन्द्रित सदस्यता अभियानलाई समयसीमाभित्र टुंग्याउने निर्णय गरेको हो । बैठक समितिका संयोजक तथा महामन्त्री प्रदीप पौडेलको अध्यक्षतामा बसेको थियो ।