अन्तरजातीय विवाह व्यक्तिगत प्रेमकथाको इतिहास मात्र होइन

नेपालको सामाजिक संरचना लामो समयदेखि जात व्यवस्थाले प्रभावित रहँदै आएको छ । विशेष गरी दलित समुदायलाई सामाजिक, आर्थिक र सांस्कृतिक रूपमा पछाडि पारिएको इतिहास हामीले पनि सुन्न पाईरहेकै छौँ । विवाहलाई जातीय शुद्धता कायम राख्ने माध्यमका रूपमा हेरिने भएकाले फरक जातबिच विवाह गर्नु सामाजिक रूपमा अस्वीकार्य मानिन्थ्यो ।

विगतमा दलित र गैरदलितबिच विवाह गर्ने जोडीहरू सामाजिक बहिष्कार, पारिवारिक सम्बन्ध विच्छेद र कतिपय अवस्थामा हिंसासमेतको सामना गर्न बाध्य हुन्थे । यद्यपि शिक्षा, शहरीकरण, लोकतान्त्रिक आन्दोलन र सञ्चार माध्यमको विस्तारसँगै समाजमा परिवर्तन आउन थालेको देखिन्छ ।