राजनीतिक दलहरू सच्चिनुपर्छ, नत्र डरलाग्दो परिस्थिति आउन सक्छ : पाठक

हेटौँडा । बागमती प्रदेशका निवर्तमान सभामुख भुवनकुमार पाठकले मुलुकमा ३५ वर्षयता भएका राजनीतिक परिवर्तनले जनताको आधारभूत समस्या समाधान गर्न नसकेको बताएका छन् । राजनीतिक नेतृत्वप्रति आलोचना गर्दै उनले राजनीतिक दलहरू बेलैमा नसच्चिए मुलुकमा गम्भीर सङ्कट आउने चेतावनी दिए ।

सोमबारबाट सुरु भएको बजेट अधिवेशनमा आफ्नो मन्तव्य राख्दै पाठकले २०४६ देखि हालसम्मका परिवर्तनहरू (प्रजातन्त्र, लोकतन्त्र र गणतन्त्र)ले पनि जनअपेक्षा पूरा गर्न नसकेको टिप्पणी गरे । सोही विद्रोहका रूपमा भदौ २३ र २४ गतेको घटना भएको उनले बताए ।