विश्वकप तालिका सार्वजनिक भएपछि कप्तान पौडेलको प्रतिक्रिया: ‘हामी उत्साहित छौँ’

काठमाडौँ। भारतमा हुने आईसीसी टी– ट्वान्टी विश्वकप २०२६ को तालिका सार्वजनिक भएसँगै नेपाल क्रिकेट टिमका कप्तान रोहित पौडेलले आफ्नो समूहलाई ‘रोमाञ्चक र चुनौतीपूर्ण’ रहेको बताएका छन्। मंगलबार साँझ तालिका सार्वजनिक भए लगत्तै प्रतिक्रिया दिँदै उनले पहिलो खेल नै इङ्गल्यान्डजस्तो बलियो टिमसँग हुनुले टोलीमा थप ऊर्जा र उत्साह भरिएको बताए।

उनका अनुसार समूहमा इङ्गल्यान्ड र वेस्ट इन्डिज दुवै विश्वकप विजेता टिम रहेका छन् भने बङ्गलादेश सन्तुलित र प्रतिस्पर्धी टोली हो। इटालीबारे धेरै चर्चा नभए पनि उनले त्यसलाई हल्का लिन नहुने बताए । यसअघिको विश्वकपमा थोरै अन्तरले सुपर–आठ मा पुग्न नसकेको स्मरण गर्दै उनले यस पटक सुपर–आठ पुग्ने सम्भावना पहिलेभन्दा बढेको दाबी गरे। ‘विगतको अनुभवले यस पटक खेल सजिलो बन्न सक्छ,’ कप्तानले भने।