जिम्बावे ‘ए’सँग नेपालको हार
rajdhanidaily.com · Sun May 01 23:29:00 GMT 2022
काठमाडौं । पहिलो टी–२० अभ्यास खेलमा टेस्ट मान्यता प्राप्त जिम्बावे ‘ए’ टिमसँग नेपाल पराजित भएको छ । कीर्तिपुरस्थित टियु मैदानमा नेपाललाई आइतबार जिम्बावेले ६ विकेटले हराएको हो । जिम्बावे एका कप्तान टोनी मुनयोंगा र तडिवानासे मरुमानीले अर्धसतक प्रहार गर्दै नेपालले दिएको १ सय ८२ रनको लक्ष्य १८ दशमलव ५ ओभरमा ४ विकेट गुमाउँदै हासिल गरेको थियो ।
जिम्बावेका ओपनर तडिवानासे मरुमानी सर्वाधिक ५६ रन जोडे । उनले ४१ बल खेल्दै ३ चौका र ३ छक्का प्रहार गरे । जिम्बावेका कप्तान टोनी मुनयोंगा २३ बलमा ७ छक्काको मद्दतमा अर्धसतक पूरा गरेका थिए । जिम्बावेका रोए कायले ९ रन जोडे । इन्सेन्ट कैयाले ३० बलमा ९ चौकासहित ४७ रन खेलेका थिए । मरुमानी र कैयाले पहिलो विकेटका लागि ७३ रनको साझेदारी गरेका थिए । सन्दीप लामिछानेले कैयालाई एलबीडब्लू आउट गर्दै पहिलो विकेट लिएका थिए ।
स्रोतमा पूरा पढ्नुहोस् (rajdhanidaily.com)