रक्षा मन्त्रालयको बजेटको किताब सांसदहरूले पाएनन्

४ असार, काठमाडौं । प्रतिनिधिसभामा आज बजेटको मन्त्रालयगत शिर्षकमाथिको छलफल सकिएर विनियोजन विधेयक नै पास हुँदैछ । तर, बिहान पौने १२ बजेसम्म पनि रक्षा मन्त्रालयको बजेटको रातो किताब नपाएको भनेर संसद्‍मै प्रश्न उठेको छ ।

‘रक्षा मन्त्रालय अन्तर्गतको खर्च किताब हामीलाई अझैसम्म प्राप्त भएन,’ श्रम संस्कृति पार्टीका अध्यक्ष हर्क साम्पाङले भने । यस्तो किन भएको भनेर उनले प्रश्न उठाएका हुन् ।