विभिन्न जिल्लामा भएका सवारी दुर्घटनामा ४ जनाको मृत्यु

काठमाडौँ । विभिन्न स्थानमा भएका सवारी दुर्घटनामा परेर ४ जनाको मृत्यु भएको छ । उदयपुर, रौतहट, कपिलवस्तु लगायतका जिल्लामा भएका सवारी दुर्घटनामा ४ जनाको मृत्यु भएको हो ।

उदयपुरको कटारी नगरपालिका– २ स्थित सडकमा गिद्वबरबाट बेलसोततर्फ जाँदै गरेको लु.प्र.०१–००१ ख ०९८५ नम्बरको बसबाट खसेर बसका सहचालक सोही नगरपालिका–२ खोक्सा बस्ने ३१ वर्षीय उत्तम थापाको सोमबार बिहान मृत्यु भएको छ । दुर्घटनामा गम्भीर घाइते भएका उनको कटारी अस्पतालमा उपचारको क्रममा मृत्यु भएको हो । बस चालकलाई प्रहरीले नियन्त्रणमा लिएको छ ।