हेलमेट नलगाई स्कुटर चलाउने चर्चित स्ट्रिमर ‘सीआर सेभेन होरा’ ट्राफिक कारबाहीमा

काठमाडौं । गेम स्ट्रिमर ‘सीआर सेभेन होरा’ (CR7 Horaa) बाट चर्चित सञ्जन गौतम ट्राफिक प्रहरीको कारबाहीमा परेका छन् । हेलमेट नलगाई स्कुटर चलाएको भिडिओ सार्वजनिक भएपछि काठमाडौं उपत्यका ट्राफिक प्रहरी कार्यालयले उनलाई कारबाही गरेको हो ।

ट्राफिक प्रहरीले उनलाई नियन्त्रणमा लिएर नियमअनुसार जरिवाना गराएको छ । कारबाहीपछि ट्राफिक प्रहरीले राखेको भिडिओमा बोल्दै गौतमले आफ्नो गल्ती स्वीकार गरेका छन् ।