मधेशमा ‘जरा गाडेका’ ३५ प्रहरीको एकसाथ सरुवा, घुसकाण्डपछि शुरू भयो व्यापक फेरबदल !

मधेश प्रदेशमा लामो समयदेखि एउटै जिल्लामा कार्यरत ३५ जना तल्लो दर्जाका प्रहरी कर्मचारीलाई एकैपटक अन्तरप्रदेश काज सरुवा गरिएको छ । मधेश प्रदेश प्रहरी कार्यालयको नेतृत्व परिवर्तनको संघारमा गरिएको यो सरुवालाई लिएर प्रहरी संगठनभित्र र बाहिर विभिन्न चर्चा शुरू भएको छ ।

सरुवा हुनेमा वरिष्ठ सईदेखि प्रहरी जवानसम्म छन् । विशेषगरी सादा पोशाक, मुद्दा अनुसन्धान तथा विभिन्न जिल्लामा लामो समयदेखि कार्यरत प्रहरी कर्मचारीहरू सरुवाको सूचीमा परेका हुन् ।