प्रिमियर लिग : बर्नमथ र वेष्टह्यामले अंक बाँडे

काठमाडौं । इंग्लिश प्रिमियर लिग फुटबलमा बर्नमथ र वेष्टह्याम युनाइटेडले बराबरी खेल्दै अंक बाँडेका छन् । प्रिमियर लिग अन्तर्गत सोमबार राती भएको एक मात्र खेलमा बर्नमथ र वेष्टह्यामले १-१ को बराबरी खेल्दै अंक बाँडेका हुन् ।

बर्नमथका लागि अग्रपंक्तिका एनेस उनाल र वेष्टह्यामका लागि मध्यपंक्तिका लुकास पाक्वेटाले गोल गरे । बराबरीले वर्नमथको शीर्ष चारभित्र पर्ने योजनामा धक्का लाग्यो भने वेष्टह्यामको ऋणात्मक अवस्था सुधारमा घाटा लागेको छ ।