क्वाटर फाइनलबाटै बाहिरियो आर्मी

इलाम । विभागीय टिम त्रिभुवन आर्मी क्लब झापाको बिर्तामोडमा जारी झापा कपमा पहिलो चरणबाटै बाहिरिएको छ । डोमलाल रङ्ग शालामा भएको खेलमा सहलेस फुटबल क्लब सिराहाले २-० गोलले पाखा लगाएको हो ।

सहलेसका अवि लामाले खेलको १८ मिनेटमा गोल गर्दे टिमलाई अग्रता दिलाएका थिए । सुरुवातको समयमा दबाबमा राखेको सह लेस फुटबल क्लबले खेलको २७ मिनेटमा गोल गर्दे दुई शून्यको अग्रता दिलाएको थियो । मध्यान्तर अघि नै दुई शून्य गोलले पछि परेको आर्मीले गोल गर्ने अवसर बनाए पनि फिनिसिङ दिन नसक्दा शून्यमै चित्त बुझाउनु प-यो ।