राष्ट्रहितमा राज्यको भूमिका

काठमाडौँ — कान्तिपुरमा मंसिर ३० गते प्रकाशित गोपाल खनालको लेख ‘चीनमा देखिएको राष्ट्रिय शक्ति’ ले सकारात्मक राष्ट्रिय नीतिलाई चरितार्थ गरिदिएको छ ।

दुई ठूला दल नेपाली कांग्रेस र नेकपा एमालेको सुझबुझपूर्ण आन्तरिक गृहकार्यले जुटाइदिएको सहमति र अन्तर्राष्ट्रिय सम्बन्धमा नेपालको हितलाई प्राथमिकतामा राखी छिमेकी देशसँगको सम्झौता अत्यन्त जिम्मेवारीपूर्ण देखिएको छ । भनिन्छ, ‘जननी जन्मभूमिश्च स्वर्गादपि गरीयसी’ अर्थात् आफू जन्मेको देश स्वर्गभन्दा पनि प्यारो हुन्छ । त्यसैले नेताहरूले आफ्नो देशको हितमा रहेर काम गर्नु उपयुक्त हुन्छ ।