एमालेलाई मीनबहादुरले दिएको जग्गासम्बन्धी विवाद सर्वोच्चबाट खारेज

काठमाडौं । सर्वोच्च अदालतले भाटभटेनी सुपर स्टोरका सञ्चालक मीनबहादुर गुरुङबाट जग्गा दान लिने एमालेको निर्णयलाई कानुनसम्मत ठहर गरेको छ । एमालेको केन्द्रीय पार्टी कार्यालय बनाउनका लागि गुरुङले दिएको जग्गा दानविरुद्ध सर्वोच्चमा परेको रिट खारेज भएसँगै भवन बनाउने बाटो खुलेको हो ।

अधिवक्ता ज्ञानबहादुर बस्नेतले ७ कात्तिकमा रिट दायर गरेका थिए । सोमबार न्यायाधीशद्वय अब्दुल अजिज मुसलमान र बालकृष्ण ढकालको इजलासले रिट खारेज गर्दै एमालेलाई सो जग्गामा पार्टी कार्यालय बनाउने बाटो खोलेको हो ।