काठमाडौँको मुलपानीमा माइक्रोले स्कुटरलाई ठक्कर दिँदा दुई जना घाइते

काठमाडौँ । काठमाडौँको मुलपानीमा माइक्रोले स्कुटरलाई ठक्कर दिँदा दुई जना घाइते भएका छन् । बिहीबार कागेश्वरी मनोहरा नगरपालिका–६ स्थित खहरे चोकमा बागमती प्रदेश ०१–०२ ज ९५९५ नम्बरको ईभी माइक्रोले बा.६७ प ७५८ नम्बरको स्कुटरलाई ठक्कर दिएको हो ।

दुर्घटनामा परेर स्कुटर चालक ओखलढुंगा घर भएका ३५ वर्षीय डेकराज खतिवडा र स्कुटर पछाडि सवार ६३ वर्षीय खडानन्द खतिवडा घाइते भएका छन् । स्कुटर चालक डेकराजको एभरेष्ट अस्पताल नयाँ बानेश्वरमा उपचार भइरहेको उपत्यका ट्राफिक प्रहरी कार्यालयका प्रवक्ता (एसपी) नरेश सुवेदीले रातोपाटीलाई बताए । अर्का घाइतेको मनोहरा नगर अस्पतालमा उपचार भइरहेको छ ।