गणेश नेपालीको अवस्थाबारे जानकारी लिन गृहमन्त्री गुरुङ वीर अस्पतालमा

काठमाडौं । राहदानी विभाग अगाडि आत्मदाह प्रयास गरेका २५ वर्षीय गणेश नेपालीको स्वास्थ्य अवस्थाबारे जानकारी लिन गृहमन्त्री सुधन गुरुङ बिहीबार राति वीर अस्पताल पुगेका छन्।

त्रिपुरेश्वरस्थित राहदानी विभागको ३ नम्बर गेटमा बिहीबार दिउँसो आत्मदाह प्रयास गरेका गणेशको उपचार वीर अस्पतालमा भइरहेको छ। घटनापछि गृहमन्त्री गुरुङले अस्पताल पुगेर उपचारमा संलग्न चिकित्सकसँग उनको स्वास्थ्य अवस्थाबारे जानकारी लिएका हुन्।