प्रधानमन्त्रीसँग प्रश्नोत्तर कार्यक्रम सञ्चालन गर्न सभामुख नै अनिच्छुक, बालेनलाई हाईसञ्चो

काठमाडौ.– सभामुख डोलप्रसाद अर्यालले प्रतिनिधिसभामा प्रधानमन्त्रीसँग हुने प्रत्यक्ष प्रश्नोत्तर कार्यक्रमका लागि असार महिनाको मिति तोक्न सकेका छैनन् ।

नियमावलीअनुसार प्रत्येक महिनाको पहिलो हप्ताको कुनै एक दिन बैठकको पहिलो एक घण्टा प्रधानमन्त्रीसँग प्रश्नोत्तरका लागि छुट्याउनुपर्ने व्यवस्था भए पनि सोअनुसार कार्यान्वयन भएको छैन ।

गत जेठमा पनि उक्त कार्यक्रम सञ्चालन हुन सकेको थिएन ।

यद्यपि १७ जेठमा प्रधानमन्त्री बालेनले संसद्‍मा उपस्थित भएर सांसदका प्रश्नहरूको जवाफ दिएका थिए ।

तर, सीमा विवादसम्बन्धी उनको अभिव्यक्तिपछि विपक्षी दलहरूले आपत्ति जनाउँदै थप स्पष्टिकरण मागिरहेका छन् ।

यसबीच, असार महिनामा प्रधानमन्त्रीसँगको प्रत्यक्ष प्रश्नोत्तर कार्यक्रम कहिले हुने भन्ने अन्योल कायमै छ ।

प्रतिक्रिया दिनुहोस्