नेपाल लाइफ इन्स्योरेन्स हिमालय स्पोर्ट्ससँग सहकार्य गर्दै फिफा विश्वकप २०२६ प्रसारणको सह-प्रायोजक बन्यो

काठमाडौं– नेपाल लाइफ इन्स्योरेन्स कम्पनी लिमिटेडले नेपालमा फिफा विश्वकप २०२६ को प्रसारणका लागि Himalaya Sports सँग सहकार्य गर्दै सह-प्रायोजकको रूपमा सहभागिता जनाएको छ। यस सहकार्यअन्तर्गत नेपाल लाइफले विश्वकपको प्रसारणलाई हिमालय स्पोर्ट्स टिभी तथा DIGO App मार्फत समर्थन गर्नेछ।

यस अवसरमा Nepal Life Insurance Company Limited का प्रमुख कार्यकारी अधिकृत श्री प्रवीण रमण पराजुलीले भन्नुभयो, “विश्वकै सर्वाधिक लोकप्रिय खेल महोत्सव फिफा विश्वकप २०२६ को प्रसारणमा हिमालय स्पोर्ट्ससँग सह-प्रायोजकका रूपमा सहकार्य गर्न पाउँदा हामी गौरवान्वित छौं। विश्वभरका अर्बौं दर्शकहरूको आकर्षणको केन्द्र रहने यस प्रतिष्ठित प्रतियोगिताले खेलकुदमार्फत मानिसहरूलाई एकताबद्ध गर्छ।”