महावीर पुन भन्छन्- देशको मायाँ लागेकाले मन्त्री भएँ

काठमाडौं । विज्ञान, प्रविधि तथा नवप्रवर्तनमन्त्री महावीर पुनले नवप्रवर्तन क्षेत्रलाई विगतमा राजनीतिक भागवण्डाको सिकार बनाइएको भन्दै मन्त्रालयलाई ‘टुहुरो र बेवारिसे’ मन्त्रालयका रूपमा व्यवहार गरिएको बताएका छन्।

बिहीबार बसेको प्रतिनिधिसभा बैठकमा सांसदहरूले उठाएका प्रश्नहरूको जवाफ दिँदै उनले धेरै यस मन्त्रालयलाई नयाँ भनेर चिनेको भए पनि २०५३ सालमै स्थापना भएको स्पष्ट पारे।