सांसद हर्क साम्पाङको लाइसेन्स स्वतः रद्द, करिब १० वर्षदेखि नवीकरण नगरेको खुलासा

प्रतिनिधिसभा सदस्य तथा श्रम संस्कृति पार्टीका संस्थापक हर्क साम्पाङको सवारी चालक अनुमति पत्र (लाइसेन्स) स्वतः रद्द भइसकेको तथ्य सार्वजनिक भएको छ।

यातायात व्यवस्था कार्यालय इटहरीको अभिलेखअनुसार साम्पाङले २०७१ सालपछि आफ्नो लाइसेन्स नवीकरण नगरेको र २०७३ पुसमै म्याद सकिए पनि हालसम्म नवीकरण नगरेको पाइएको हो। सवारी तथा यातायात व्यवस्था ऐन २०४९ अनुसार तोकिएको समयभित्र नवीकरण नभए लाइसेन्स स्वतः रद्द हुने व्यवस्था छ।