अमेरिका–इरान युद्धमा देखाएको तटस्थतामा चिनफिङ र पुटिनलाई ट्रम्पले के भने ?

काठमाडौं । अमेरिकी राष्ट्रपति डोनाल्ड ट्रम्पले चीनका राष्ट्रपति सी चिनफिङ र रुसका राष्ट्रपति भ्लादिमिर पुटिनको प्रशंसा गर्दै इरान युद्धका क्रममा उनीहरूले तटस्थ भूमिका खेलेकोमा आभार व्यक्त गरेका छन् ।

फ्रान्सको एभियन–ले–बैंसमा आयोजित जी–७ शिखर सम्मेलनका क्रममा सञ्चारकर्मीसँग कुरा गर्दै ट्रम्पले इरानको परमाणु महत्वाकांक्षालाई रोक्ने अमेरिकी प्रयासमा चीन र रुसले कुनै अवरोध सिर्जना नगरेको बताए । यसले परिस्थितिलाई नियन्त्रणमा राख्न अमेरिकालाई सहयोग पुगेको उनले प्रस्ट पारे ।