भारतबाट पेट्रोलियम पदार्थको मूल्य बढेर आयो

काठमाडौँ, माघ १९ गते ।

भारतबाट इन्धनको मूल्य फेरि बढेर आएको छ । इन्डियन आयल कर्पोरेसन (आईओसी)ले बुधबार पठाएको नयाँ मूल्यअनुसार खाना पकाउने ग्यासबाहेक सबै इन्धनको मूल्य बढेर आएको हो । नयाँ मूल्यअनुसार पेट्रोलमा प्रतिलिटर आठ रुपियाँ र डिजेल प्रतिलिटर सात रुपियाँ ९८ पैसा मूल्य बढेर आएको नेपाल आयल निगमले जानकारी दिएको छ । यस्तै मट्टीतेलको मूल्य प्रतिलिटरमा चार रुपियाँ ८० पैसा र हवाई इन्धन लिटरमै सात रुपियाँ ५० पैसा मूल्य बढेर आएको छ ।