इरान युद्धमा तटस्थ बसेकोमा रुस र चीनलाई ट्रम्पले दिए धन्यवाद

एजेन्सी । अमेरिकाका राष्ट्रपति डोनल्ड ट्रम्पले इरानसँगको हालैको युद्धका क्रममा चीनका राष्ट्रपति सी चिनपिङ र रुसका राष्ट्रपति भ्लादिमिर पुटिनले अपनाएको भूमिकालाई ‘तटस्थ’ भन्दै उनीहरूको प्रशंसा गरेका छन् ।

फ्रान्सको एभियान–लेस–बेन्समा आयोजित जी–७ शिखर सम्मेलनका क्रममा आयोजित पत्रकार सम्मेलनमा बोल्दै ट्रम्पले तेहरानको आणविक महत्त्वाकांक्षालाई रोक्ने आफ्नो प्रयासमा उनीहरूले कुनै अवरोध खडा नगरेको बताए । उनले युद्धविराम सम्झौता लागू भएपछि यी दुई नेताका कारण परिस्थिति धेरै सहज भएको भन्दै उनीहरूप्रति कृतज्ञता व्यक्त गरे ।