जिल्ला अदालतबाट मुद्दा संशोधनपछि रवि लामिछानेलाई सहज, सर्वोच्चमा विचाराधीन मुद्दामा कसरी होला व्याख्या ?

काठमाडौँ । राष्ट्रिय स्वतन्त्र पार्टीका सभापति रवि लामिछानेमाथिको सहकारी ठगीसँगै सम्पत्ति शुद्धीकरण र संगठित अपराधसम्बन्धी मुद्दा कास्की जिल्ला अदालतबाट संशोधन भएको छ । मुद्दा संशोधनपछि लामिछानेलाई सहज भएको छ।

सम्पत्ति शुद्धीकरण मुद्दा र संगठित अपराध दुई वटा कसुरका कारण राजनीतिक रूपमै अप्ठ्यारो परिरहेका लामिछानेको मुद्दा संशोधनका लागि कास्की जिल्ला अदालतले अनुमति दिएको हो। तत्कालीन महान्यायाधिवक्ता सविता भण्डारीको २०८२ पुस ३० को निर्णय अनुसार जिल्ला सरकारी वकिल कार्यालय कास्कीले मुलुकी फौजदारी कार्यविधि संहिता, २०७४ को दफा ३६ बमोजिम अभियोगपत्र संशोधनको निवेदन दिएको थियो ।