३५ वर्षदेखि बिग्रिएको औद्योगिक क्षेत्र सुधार गर्दै छु: मन्त्री यादव

काठमाडौँ । उद्योग, वाणिज्य तथा आपूर्ति मन्त्री गौरी यादवले विगत ३५ वर्षदेखि थला परेको र बिग्रिएको औद्योगिक क्षेत्रको व्यवस्थापनमा आफू सुधारको काम गरिरहेको बताएकी छिन्।

विकास, आर्थिक मामिला तथा सुशासन समितिको बिहीबारकाे बैठकमा सांसदहरूले उठाएको सवालको जवाफमा मन्त्री यादवले लामो समयदेखि थुप्रिएका समस्याहरूलाई सच्याउँदै औद्योगिक क्षेत्रलाई चलायमान बनाउन आफू निर्मम बनेर अघि बढेको स्पष्ट पारिन्।