साफ महिला च्याम्पियनसिपमा नेपालको सुखद सुरुवात, भुटानमाथि साँधुरो जित

स्टार खेलाडीको अभाव खड्किँदा नेपालले भुटानमाथि साँघुरो जितसँगै भारतमा भएको साफ महिला च्याम्पियनसिपमा सुखद सुरुआत गरेको छ ।

गोवा शहरमा सोमबार भएको समूह ‘ए’ को आफ्नो पहिलो खेलमा नेपालले भुटानमाथि १–० को संघर्षपूर्ण जित निकाल्यो । डिफेन्डर गीताको गोल नै नेपाललाई तीन अंक प्राप्त गर्न पर्याप्त बन्यो । जवाहरलाल नेहरु रंगशालामा पहिलो हाफमा नै नेपालले गोल गरेको हो । दोस्रो हाफमा थप गोल हुन सकेन ।