कुलमानले विद्युत् प्रसारण लाइन निर्माणमा जोडे निजी क्षेत्र

काठमाडौं । ऊर्जा, जलस्रोत तथा सिँचाइमन्त्री दीपक खड्काले निजी क्षेत्रलाई प्रसारण लाइन निर्माणमा सहभागी गराउँदा ऊर्जा क्षेत्रको विकासमा सहयोग पुग्ने बताएका छन् ।

राष्ट्रिय प्रसारण ग्रिड कम्पनी लिमिटेड (आरपिजिसिएल)ले ऊर्जा मन्त्रालयमा आयोजना गरेको सार्वजनिक-निजी साझेदारीअन्तर्गत निजी क्षेत्रलाई प्रसारण लाइन निर्माणमा सहभागिता गराउन आयोजित सम्झौता कार्यक्रममा मन्त्री खड्काले यो सम्झौता नेपालको ऊर्जा क्षेत्रको विकासमा ऐतिहासिक भएको बताए ।