प्रतिबन्ध खेपिरहेका बेन्टनकुरले म्यानयु र लिभरपुलविरुद्धको खेल पनि गुमाउने

काठमाडौं । सात खेलको प्रतिबन्ध व्यहोरिरहेका टोटनह्याम हटस्परका रोड्रिगो बेन्टनकुरले म्यान्चेस्टर युनाइटेड र लिभरपुलविरुछको खेल समेत गुमाउने भएका छन् । उरुग्वेको मध्यपंक्तिका खेलाडी उनले टेलिभिजनमा आफ्नै टोलीका सोन ह्युंग-मिनबारे नस्लीय टिप्पणी गरेको भन्दै प्रतिबन्ध खेप्नु परेको हो ।

नोभेम्बरमा प्रतिबन्ध लागेकामा फुटबल एशोसिएशनले फुुकुवाका लागि दिएको उनको अपिल खारेज गरिदिएको छ । पूर्व युभेन्टसका मध्यपंक्ति उनले यूरोपा लिग भने खेल्न सक्ने बताइन्छ । कारण, उनको प्रतिबन्ध घरेलू प्रतियोगिताका लागि लागू हुने भनिएको छ ।