नीरज चौधरी बाधक बन्दा दार्जिलिङको सेमिफाइनल यात्रा अधुरै

इलाम । राष्ट्रिय जागृति फुटबल क्लब इटहरीका गोल किपर नीरज चौधरी बाधक बन्दा जिटिए दार्जिलिङ फुटबल क्लबको सेमिफाइनल यात्रा अधुरै बनेको छ । झापाको डोमलाल रङ्ग शालामा भएको खेलमा जिटिए दार्जिलिङलाई जागृति फुटबल क्लब इटहरीले ट्राईब्रेकरमा ४–२ गोल अन्तरले पाखा लगाएको हो ।

खेल समय भरी एक एक गोलको बराबरी भएपछि खेलको नतिजा ट्राईब्रेकरबाट लिइएको हो । दार्जिलिङका भाईचुङ राई र अङ्ग थापाको प्रहार नीरज चौधरीले रोकका थिए । जागृतिका निसान लिम्बुको प्रहार पोस्ट बारमा लागेर फर्किएको थियो । खेलको १६ मिनेटमा जागृतिका प्रवेश बस्नेतले गोल गर्दे टिमलाई अग्रता दिलाए ।